أنا وحظي رجعنا كل منا خالي الكفين
على كيف الدهر من وين يمشي يودينا
حظي وأعرفه دايم الدوم معكوس
مدري قرادة حظ ولا وراثه
هونتها لكنها عيت تهون000 لا قلت راح الهم
القآه قدام !!
تقول مافيه انسان غيري بها الكون!!
حطمت أنا بهمي كل الارقام
أصحاب أنا والهم أحباب ونمون !
ماهي صداقة يوم ذي عشرة أعوام
والهم سجاني00000وأنا فيه مسجون
أن قام حظي طاح وأن طاح ماقام
من يوم ميلادي وأنا دمعتي دم!!
ما يوم حسيت الهناء والسعادهـ
تطردني الفرحه
ويشريني الهم
مايحتمل صبري قوي الأرادهـ
أسهر بلا قمرهـ وأغني بلا فم
قصايدي نار وقلبي رمادهـ
أجامل الناشد عن الحال واكتم
الناس تحسبني صديق الوساده
حلمي تبخر باول العمر ما تم !!
عشرين عام عايش(ن) في حداده
االهم عازف والدمع نازف
وعمري من حظي الردي حاير وخايف
هذا حظي من على الدنيا وعيت
دنيتي وهي دنيتي
مني أكتفت !!
مع جميع الناس ياربي وفيت
لــــيــــــه بس الدمعه
مع عيني وفت
لاتسألوني وش جرى في حياتي
خلو همومي بالحشا مستقرهـ
الصمت ثوبي والمواجع عباتي
والحزن كله وسط قلبي مقرهـ
لو أستعيد بواقعي ذكرياتي
أحيا وأموت بالثانيه ألف مرة
همي يجيني من جميع الجهاتي
تجاوز حدود الفلك والمجرهـ
وأهني اللي بعمره مابكى دايم البسمه على خدهـ تبين
وأهني اللي بعمره ماشكى من هموم قاسيه
عيت تلين
مير البلا اللي ساكت ماقد حكى!!
مخفين همه وكل يوم حزين !!
ماكل عين تذرف الدمع بأحزان
وماكل من يضحك يعيش بسعادهـ
كم واحد دمعه على الخد هتان من زود همه يذرف المع عادهـ
يحاول يبتسم قدر الأمكان ويضحك ونار الحزن تحرق فؤادهـ!!
بسألك ياحظ وش جاك مني
لاشفتني أقبلت صديت عني
موضوع: حـــــظــــــي... قصيدة 
السبت 5 أبريل 2008 - 11:17
